Әйел-ана тұтқа болған ғаламға,

Қайсарлығы бастар ерлік қадамға.

Елім-ай деп елін, ерін қолдады,

Қиын-қыстау небір қилы заманда!

Бейімделген, батырлық пен төзімге,

Ұшқын ойнап, үміт сөнбей көзінде!

Құтқарыпты, қызын емес, бір ұлын,

Ұлт қамы үшін, ашаршылық кезінде.

Қайырмасы:

Ұрпағым деп әлпештеген баланы,

Сан ғасырға аналар жол салады.

Байлықпенен өлшенбейтін еңбегі,

Ана аты адамзатқа бағалы!

Мойымаған қиындықтың бәріне,

Құрметтеңдер ардақтаңдар, ананы!

Артқа тастап жоқшылықты жеңді де,

Қадам басты келер күнге сенді де.

Аналардың еңбегінің арқасы,

Алып шыққан тоқыраудан елді де.

Аналардың өн бойында бар асыл,

Ұлтқа қосқан үлесінде дара сыр.

Қазағымның құндылығын жаңғыртып,

Салт-дәстүрін дәріптейтін, жанашыр!

Қайырмасы