| № | Авторлар тізімі | Авторлықтың түрі | ||
| Сөзінің авторы | Музыкасының авторы | |||
| 1 | 2 | 3 | 4 | |
| 1. | Марита Қабижанқызы | |||
Көшпелі, тұрмыс салты болған жұрттың,
Пайдасы ұшан-теңіз әппақ құрттың.
Құрт деген қол еңбегі аналардың,
Жараған қажетіне біздің ұлттың.
Арнадым жастарға мен, осы әнді,
Біліңдер ем болатын тағамдарды.
Әппақ құрт қазағымның өзіне тән,
Тағам ғой, қасиетті, өте нәрлі.
Қайырмасы:
Әжелер сақтап жүрер немереге,
Бұл құртты ұл-қызыңа жеме деме.
Пайдасы өте зор ғой, денсаулыққа,
Мың алғыс, мұра қылған енелерге.
Құрт жайлы тарихы бар бұл қазақтың,
АЛЖИР де, қанша ана, шекті азап күн.
Сездірді бала-шаға, құрт лақтырып,
Келерін, аналарға бір ғажап күн!
Қазақтың құртын қалқам жатырқама,
Дәм сезер ауызына салса бала.
Кептіріп, дайындалған құртты жеумен,
Аштықтан аман қалған қанша ана!
Қайырмасы