Көрінбейсің газет пен журналдардан...

Деген мен, сөз естимін туғандардан,

Жарқындарым, жанымды қайдан білсін,

Жақсы жырдың жолында құрбан болған.

Қайдан білсін, жыр жазу қиындығын,

Соқыр жармақ екенін сыйым бүгін,

Қайдан білсін, келе алмай күйім бүгін,

Сансыратып кеткенін құйын-күнім.

Қайырмасы:

Қайдан білсін...

Туыстар қайдан білсін.

Оңай емес орнату ойдан мүсін!

Болдырам деп болмасты қиялыммен,

Қайдан білсін, біткенін қайран күшім.

Білсін бе, дерт екенін тіл өнері,

Тіл өнері жоғалтып жіберерін.

Түсінсін бе, дым тамбай, көк аспанның,

Құрғақшылық жылдары түнерерін.

...Оу, менің ойран-құсым, сайран құсым!

Оңаша өз бағында сайрап жүрсін,

Бұл ғалам, сенің титтей жүрегіңде,

Не болып жатқандығын қайдан білсін!?

Қайырмасы