Көп қазақтың, артқа тастап, азабын,

Адамдықтың танытып жүр ғажабын.

Харекеттің арқасында халқым-ау,

Баспаналы болды, қанша қазағым!

Болса дағы, әке де бар, ана бар,

Үйі жоқтар, мұқтаж болып саналар.

Даналықпен бекер айтып кетпеген,

Үйі жоқтың, күйі жоқ – деп бабалар.

Қайырмасы:

Бар қазақты бөлмей ақ пен қара деп,

Қайырымды жасап жүрген әрекет.

Сый арнайын мен де қолдау білдіріп,

Жасай берсін, халық қоры Харекет.

Қуанышты сезініп әр хабардан,

Орындалса, қол жетпейтін бар арман.

Харекеттің жомарттығын көргенде,

Ризалықтан жас тамады жанардан.

Жүрген қазақ адалдығын бағалап,

Харекетке жоламасын жаман ат!

Жылатпаған, бабам жетім-жесірін

Деген ұғым Харекетке аманат!...

Қайырмасы