Ашу-ыза кернесе өн бойыңды,

Жақсылыққа бұра алмасаң ойыңды,

Күмәнданып, қорықсаң да ертеңнен,

Сен бүртүрлі емессің...

Сол бір ішкі сезіммен,

Мына әлемге, керексің!

Жүрсең дағы сен әлсіздік танытып,

Қалауыңды жасай алмай жарытып,

Қателікпен өкінсең де өткенге,

Сен біртүрлі емессің,

Өзің үшін жәй ғана,

Бақыт іздеп келесің!

Қайырмасы:

Қай жолымен жүрсең де бұл өмірдің,

Сен дұрыссың, шекпесін бос көңіл мұң.

Біртүрлі деп, сын айтса да өзгелер,

Сен біртүрлі емессің,

Өз жолыңмен себебі,

Өмір сүріп келесің!

Шаршасаң да тағдырыңа өкпелеп,

Маңдайыңнан өмір заңы тепкілеп,

Қиналсаң да өксік қысып өңешті,

Сен біртүрлі емессің,

Сен мықтысың алдыңда,

Шығар биік белесің!

Міндеттерді ілсең де артық мойынға,

Бар кінәсі жүрсе адамның ойыңда.

Жыласаң да, жалғызсырап мұңайып,

Сен біртүрлі емессің,

Өйткені, сен жүрекпен,

Жақсылыққа сенесің!

Қайырмасы

Сен, біртүрлі емессің,

Жақсылыққа сенесің!