Қонағы боп, отырғанда құрбымның,

Байқамаппын, батқанын да, мен күннің.

Азан үні естілгенде селт етіп,

Биіктегі терезеден үңілдім.

Азан үнін жүрегіммен түсіндім,

Мешіт үйін суретке де түсірдім.

Ажарына Әзірет Сұлтан мешіттің.

Қарап ұқтым, мен Алланың күшін шын.

Қайырмасы:

Талай өткем бұл мешіттің жанынан,

Сәулетімен, мешіт еді, танылған.

Азан үні сезіндірді бүгінгі,

Мешіт барын, иман нұры дарыған.

Мұнда байлық, мансап та жоқ бөлінген,

Бәрі бірдей ақиқатқа жүгінген!

Сапта тұрған пенделердің жүзінен,

Бір Аллаға деген сенім төгілген!

Барлық адам кешпей өтсін, азап-мұң,

Пенделіксіз өтсін әрбір ғажап күн!

Салтанатты, қасиетті бұл мешіт,

Дәстүрімен үндесіп тұр қазақтың!

Қайырмасы

Қандай әсем, сәулетінен, нұр тасыр,

Астананың ақ мешіті бұл асыл.

Жүрегіне адамдардың нұр құйып,

Алла үйі жарқырасын мың ғасыр!

Қайырмасы