Бұлтарып бұлаңдаса түлкі заман.

Сүрінбей өтем деме бір күн одан, достар-ай.

Сендерсің байлығым да, базарым да,

Табысып тай құлындай шұрқыраған, достар-ай.

Қайырмасы:

Бала күннен, ойнап күлген,

Азаймаңдар сеніп жүрген, достар-ай.

Елім деген, жерім деген,

Жалғыз дәнді бөліп жеген, достар-ай.

Басыңнан дәурен тайса бәрі бекер,

Қыранға қарғаның да әлі жетер, достар-ай.

Қаптаған ағайының жолда қалсаң,

Қасыңнан теріс қарап ағып өтер, достар-ай.

Қайырмасы

Тіршілік талай жерде тарықтырар,

Айырып ардақтыңнан зарықтырар, достар-ай.

Жабылып жалған достар жарға жықса,

Шын досын шыңыраудан алып шығар, достар-ай.

Қайырмасы

Адамды жетелесе өмір сапар,

Ащының, тұщының да дәмін татар, достар-ай.

Құдайым сақта досын сатқандардан,

Жүргендер досын сатып, елін сатар, достар-ай.

Қайырмасы