Өмір-өмір өзегіңді өртеген,

Өзің үшін, тірлік үшін тер төгем.

Ғашық жандай іңкәрлікпен сен үшін,

Жолға түсіп сапар шегем ерте мен.

Өмір-өмір мың бұралған жолдарың,

Сол жолдармен ғұмырымды жалғармын.

Талай жырды, талай сырды толғадым,

Ойлауменен жер қамы мен ел қамын.

Қайырмасы:

Айтарым баршаңа,

Жол өтсек қаншама.

Сыйластық қадірін,

Түсірме қаршадай.

Кірлеме күміс көңілім,

Гүлдене берші өмірім.

Өмір-өмір кейде өбесің аймалап,

Жүргенім жоқ менде текке жай қарап.

Бір асудан бір асуға шығарда,

Табанымнан кетпегейсің тайғанап.

Өмір-өмір ғажайыпсың ертегі,

Құпияң көп жұмбақ сырлар шертетін.

Өтсін мейлі, өтсін тағы бір күнім,

Өтпесе екен, өшпесе екен ертеңім.

Қайырмасы