Аспаннан түсіп, құран кәрім,

Нұрға бөленді адал жаным.

Рақым шуағы жауып көктен,

Шырқалды менің әсем әнім.

Қайырмасы:

Иа Алла,мейірім төге бер,

Иа Алла ,амандық бере гөр,

Иа Алла, нұрыңды себе гөр,

Иә Алла ,адалдық бере гөр.

Иә Алла, тыныштық бере гөр,

Иә Алла ,нәсіпті төге бер,

Иә Алла, ғұмыр күн бере бер,

Кешірімді Аллам бола гөр.

Адамға тілеймін амандық,

Елімді сақтасың аман ғып,

Жаратқан Аллам,сен жар болып,

Жерімде болмасын жамандық.

Қайырмасы

Алланың үні, ақ үмбетім,

Нұр лебі жайласын жер бетін.

Қадыр түнгі ақ періштелер,

Әлемді әнімен тербесін.

Қайырмасы

Дүниеде бір Алла тірегім,

Құранмен түледі жүрегім,

Ләй ил Аллах, расул Аллах,

Аллаға сыйынып жүремін.

Қайырмасы