Ана – әнім, өмірім,

Жасыл көктем өңірің.

Алаңдайсың балаға,

Әппақ сезім көңілің.

Еркелеттің, өсірдің,

Балалықты кешірдің.

Қиындықтан қайыспай,

Қайғы – мұңды көшірдің.

Қайырмасы:

Ана! Қымбатсың, асылсың, асыл ана.

Ана! Бір өзің ғасырсың, асыл ана.

Ана! Көктеген ұрпағың, асыл ана,

Даңқыңды асырсын.

Кетсек алыс жыраққа,

Жаның толар сұраққа.

Көктегі бір Алладан,

Өмір жүрсің сұрап та.

Жадыраған жазыңбыз,

Байлығыңыз, барың біз.

Меккеге де апарсақ та,

Өтей алмас қарызбыз.

Қайырмасы

Бақ бесігің тербелген,

Жан шуағың дем берген.

Ақ жаулығың бір жұмақ,

Шабыт берген, ән берген.

Бала үшін талмайсың,

Ақ үмітті жалғайсың.

Жүзіңде жүр жарық күн,

Қиял құстай самғайсың.

Қайырмасы