Қара шашың иығыңа төгілген,
Қара көзің не жылаған не күлген.
Толғап өттің менің тұла бойымды,
Бала кезден саған ғашық едім мен.

Ұғу қиын адам жанын білемін мен,
Не оқисың қабағыңнан түнерген.
Білгің келсе қара менің көзіме,
Мен жайында сұрамашы біреуден.

Жүрегімде жоқ алданыш бөтен ой,
Алдай алсаң сен ақ алдап кете ғой.
Тағдырда да мойындаған секілді,
Махаббатта мойындайды екен ғой.

Күн сыйлар ем күнге жету жол қайда,
Гүл сыйлар ем күзде гүл де солмай ма.
Дәл өзіндей аяулы жан аруға,
Гитармен ән сыйласам болмай ма.

Барма өзі бұл өмірде махаббат,
Деп сұрадым көп адамнан қайталап.
Жоқ дегенге бұл өмірде махаббат,
Жүрегіме қанжар болып қадалар.