Кез болып саған, айығып түгел бар қайғым, 

Лебізіңді естіп, арманға үміт жалғаймын. 

Жоғалтып алсам, бейуақ кейде іңірде, 

Боламын жаным, жынданып кеткен жандайым. 

Қайырмасы:

Сағынып салатын, 

Жаным жай табатын. 

Сағыныш ән едің. 

Көрсем көз тоймайтын, 

Құмарым қанбайтын. 

Көркемім, әдемім. 

Бақытыма балаған бақыт құсым ең, 

Зарықтырмай жарығым көптеп түсіме ен. 

Сен мендіксің, бөлектеу менен жүрсең де, 

Тағдырым шығар, батса да жаным түсінем. 

Қайырмасы

Арманның әсем, аулына бірге қонайық, 

Қонайық сәулем, әппақ айдай боп толайық. 

Жұбымыз жазбай, толқыған теңіз өмірде, 

Айдынын сызған аққудай бірге болайық. 

Қайырмасы