Өмір маған кейде тау сияқты,

Шыңына шыққым келеді.

Өмір маған кейде бір жау сияқты,

Аяққа жыққым келеді.

Өмір маған кейде бір бел сияқты,

Гүлдерін тергім келеді.

Өмір маған кейде бір шөл сияқты,

Сусын бергім келеді.

Қайырмасы:

Өмір маған кейде жақсы дос сияқты,

Сол досты күнде, күнде,

Күнде көргім келеді.

Өмір кейде өзім сияқты,

Өмір сүргім келеді.

Өмір кейде сыр сияқты,

Өмір сүргім келеді.

Өмір маған кейде адал жар сияқты,

Еркелетім келеді.

Мені күткен бір бақыт бар сияқты,

Ерте жеткім келеді.

Өмір маған кейде сұлу қыз сияқты, 

Құшақтап сүйгім келеді.

Өмір маған кейде апа, сіз сияқты,

Қуаныш үйгім келеді.

Қайырмасы