Тауды да таңдап өсер шынармын мен,

Талғамым зор! Таза ауаға құмармын мен.

Шамасы келген, шынайы махаббатың,

Қолы ғана жетеді жалынды жүрегімен.

Қайырмасы:

Мені көптің бірі деп,

Ойлап қалма шырағым.

Маған қолың жетсе ғана,

Жанар сенің шырағың.

Жақындасаң пәс көрінер,

Алыстаса биіктер.

Асқар таудай талабым бар.

Көзіңді алысқа тігіп көр.

Біреулерге арман болсам,

Біреулерлерге елеспін.

Кез келгеннің қолы жетер,

Оңай олжа емаспін.

Мені түсінбейтіндерге,

Маған сенбейтіндерге,

Мен ешқашан сырымды айтып,

Дос бола алған емеспін.

Ақын болсам жалындаған,

Жүректермен теңестім.

Тебіреніп өлең жазсам,

Даналармен кеңестім.

Қайырмасы