Ел есінде сақталады ерлігің,

Сақтап қалған қазағымның елдігін,

Жау қолынан арашалап ерлікпен,

Куәсі ғой Кергентас пен Сеңгірің.

Қайырмасы:

Ұрпаққа мақтан,

Жауына шапқан,

Ерлігің үлгі,

Ерлігің дастан.

Халқың бар дана,

Рухыңыз дара.

Ту ұстап тұлпар мінген,

Батыр баба, батыр баба.

Шілікті, Бозша менен Толағайым,

Маңырақ Тайжүзгеннен айналайын,

Даламда бабамның рухы бар деп,

Дәулетбай батырыммен мақтанайын.

Қайырмасы

Бес саты, алты жұмық ұранымыз,

Көгімде қалықтасын қыранымыз.

Жаулардан елімізді азат қылған,

Батырым айтылатын жыр-әніміз.

Қайырмасы

Баһадүр бабам,

Өлшеусіз бағаң,

Ардақтап елің,

Ұрпағың сенің.

Ұмытпас мәңгі,

Қорғаған елің.

Барқытбел жерің,

Ту ұстаған батырың.